Shqiptari Beqir .T, është përgjegjës për vrasje, dhe vrasje të mbetur në tentativë. “I kam therur, por nuk jam fajtor”, kështu ka thënë i pandehuri, shkruan Tirana Today.
Ai është “shumë keq”, dhe dëshiron të dijë të gjithë të vërtetën rreth mbrëmjes së 18 gushtit 2017. Kjo e vërtetë duhet të thuhet tani. Por gjykimi ndaj shqiptarit ka marrë kthesë të papritur, 38 vjeçari akuzohet për vrasjen e një serbi dhe për plagosje të rëndë ndaj një personi tjetër.
Beqir. T. mbrëmjen e 18 gushtit të viti që lamë pas në rrugën Ottakringer të Vjenës për motive të dobëta ka therur për vdekje një person dhe një tjetër e plagosi rëndë. Kosovari theksonte se i ka goditur në vetëmbrojtje, ndërsa prokurorja Sabine Rudas-Tschinkel thekson sulmi tragjik ka ardhur si pasojë e “motiveve të ulta”, raporton heute.at.
Beqiri ishte rrugës me ish të dashurën, ku kjo e fundit kishte marrë një kompliment nga serbi, Perica .G: “në këtë kohë, ende sheh një femër kaq të bukur”. I akuzuari kishte humbur toruan dhe sulmoi e me thikë dy herë në zemër.
Dy persona nga një lokal pranë kishin ndërhyrë në konflikt. Aty shtetasi Almir S., ishte përpjekur të qetësonte shqiptarin e zemëruar.
Ashtu si viktima, edhe Almiri merr një goditje me thikë në zonën e barkut, ku fatmirësisht pas një ndërhyrje kirurgjikale arrit të mbijetonte, ndërsa Perica .G ndërroi jetë në sallën e operimit.
Beqir T. u largua për Italinë atë natë, ku më pos kishte ardhur në Shqipëri. Michaela .B, ish-e dashura e tij më vonë tha në policisse: “Mos i trego askujt për këtë incident të rëndë”, i kishte thënë shqiptarit ish- të dashurës. Pas një muaji, ai u dorëzua vullnetarisht përpara autoriteteve.
Pasi u godita, sulmova me thikë
Shqiptari jetonte prej 2003 në Vjenë dhe përpara trupit gjykues mundohej të sqarohej se në çfarë paniku kishte qenë në ato momente. Historia sipas Beqirit është kështu: Pak përpara tragjedisë, ai ishte takuar me ish-in në diskotekë. Gjatë kthimit në shtëpi po urinonte dhe këtë e bëri mes veturave të parkuara. Papritur aty i ka shkuar i ndjeri dhe shoqëruesit e tij, që e rrethuan dhe e goditën. Aty nxjerr thikën për t’u mbrojtur.
Megjithatë në pyetjen se pse ai kishte me vete një thikë, shqiptari nga Kosova është përgjigjur se “thikën e përdor çdoherë në punën e ndërtimtarisë – për ushqim.” Ish e dashura dhe një fqinje, fillimisht nuk kishin dashur të japin deklarata për rastin.
Kthesa e papritur
Por rasti ka marrë kthesë të papritur, pas prononcimit të ish të dashurës, i ndjeri kishte thënë: “eja këtu, tani do vrasim shqiptarin!”.
Këtë gjë kishte deklaruar ajo edhe në polici. Edhe një fqinje anonime, por që të ndjerin e njihte kishte dëshmuar se: “ndodhesha në katin e katër të banesë. Poshtë ishin duke u zënë i pandehuri dhe Perica.
Shqiptari ishte tepër i zemëruar dhe përdorte fjalë të ndyra”, kujton dëshmitarja që flet serbisht.
Situatë e paqartë
“Burrat ishin pesë metra larg njëri-tjetrit. Atëkohë i ndjeri G. kishte thirrur: “Ejani këtu, që t’ia p*llojmë nënën shqiptarit!”. Fillimisht kishte sulmuar T., ndërsa ai që ndodhej me të ishte munduar të qetësonte situatën, por që shqiptari e kishte sulmuar me thikë në bark. Duhet të ketë qenë një situatë konfuze. I riu largohet dhe Perica e pyet “vëlla, të ka therur?”, thotë më tej dëshmitarja. Ajo nuk e kishte parë goditjen fatale ndaj Perica, por e kishte parë bluzën e tij të gjakosur.
Nuk kishte kërcënim me vdekje
Ish e dashura që ishte ftuar për dëshmi dy herë nga policia, flet rumanisht dhe pak gjermanisht. Fillimisht ajo kishte gënjyer për rastin, ndërsa herën e dytë ka treguar të vërtetën. “Kurrsesi nuk bëhet fjalë për kërcënim me vdekje nga G. për të pandehurin shqiptar, sigurisht që këtë e sajova vetë.”
Këtu ndërhyn avokati i shqiptarit Philip, që të qartësohet përkthimi i saj dhe kërkesa pranohet. Ndërsa seanca ndaj shqiptarit është për në 3 maj.
“Dëshmitë e manipuluara”
Pas dëshmive të dy grave, i akuzuari ishte shprehur: “Dëshmitë janë të manipuluara”. Në këtë gjykim gjithçka flet kundër të dyshuarit. Në rast të një dënimi, do të Beqir T, përballet me dhjetë deri në 20 vjet ose me burgim të përjetshëm. TIRANA TODAY
