Shqiptari Gent Jakupi në vitin 1998 emigroi drejt Anglisë, por pas 20 vitesh punë në Londër, ai vendosi të kthehet në Shqipëri, por kësaj here në një mënyrë krejtësisht unike.
Duke pasur nostalgji për mjetet e kohës së komunizmit, ai bleu një ZIL të ushtrisë ruse dhe pasi i bëri riparimet e nevojshme së bashku me menaxherin e firmës së tij, Rob Gerrish, vendosi të përshkruajë me këtë mjet një distancë prej rreth 2600 km nga Londra drejt Tiranës.
Ndërsa ndodhet ende në rrugëtim, ku pritet të mbërrijë në Tiranë brenda pak ditësh, ai ka fotografuar mjetin e vjetër në çdo vend ku ka kaluar.
Jakupi, i cili drejton Devizes Car Center në Neë Park Street, e ka në pronësi automjetin e vjetër për vite me radhe, dhe e mbante të parkuar në oborrin e shtëpisë së tij, shkruan gazetteandherald.co.uk. 
Ai është shprehur: “Po bëjmë një udhëtim rrugor me një mjet ushtarak rus të vitit 1947 i quajtur ZIL 157. Ushtria shqiptare e përdorte gjatë kohës së komunizmit, por kur sistemi komunist u rrëzua në Shqipëri, nuk u lejuam me këto mjete, qoftë dhe për kënaqësi personale të ndonjë individi.
Kjo është e vetmja rrugë e një mjeti të tillë me targa britanike, që do të mbërrijë në Shqipëri dhe do të lihet atje për t’i shërbyer industrisë së filmave”.
Ai do të pritet si hero, pasi automjeti ecën ngadalë, dhe ka një shpejtësi maksimale prej 45 KPH. Kur arritën në autostradat e Gjermanisë ata duhej u përcollën nga policia pasi shpejtësia minimale e lejuar ishte 60 KPH.
Jakupi tha: “Ne do të pritemi si heronj pas mbërritjes në Shqipëri sidomos për këtë udhëtim të gjatë që do të zgjasë 10 ditë ose më shumë për ta përfunduar”. TIRANA TODAY
