Një 27-vjeçar shqiptar është gjetur i vdekur në pyllin e qytetit Dölauer Heide në Gjermani.
Sipas mediave gjermane, shtetasi shqiptar ka vdekur nga plagët e marra si pasojë e goditjeve me thikë.
“Autopsia zbuloi lloje të ndryshme dhune, duke përfshirë plagë me armë zjarri dhe plagë me thikë. Kjo e fundit është arsyeja e vdekjes”, tha njëri nga hetuesit.
Pjesë e këtij hetimi janë bërë edhe specialistë të veçantë, me qëllim zbulimin e gjurmëve të vrasësit. Ndërkohë, dyshohet se viktima është vrarë diku tjetër dhe më pas është transportuar në pyll.
Mediat shkruajnë se trupi është gjetur nën gjethe në një kanal, me plagë nga goditjet e thikës dhe armëve. Trupi i tij u zbulua rastësisht të dielën nga disa kalimtarë, të cilët sapo kanë parë trupin, kanë lajmëruar policinë.
Viktima ishte një person i njohur për policinë, pasi ishte dënuar për kryerjen e disa veprave penale.
