Një shqiptar i dënuar për veprën penale të “grabitjes” dhe “shpërndarjes së drogës” është prangosur nga policia italiane, pasi është kapur sërish me drogë dhe armë.
Në sajë të operacionit të koduar ‘Street Drugs’, policia italiane ka bërë të mundur prangosjen e 31-vjeçarit shqiptar me inicialet G.A. Shqiptari është arrestuar nga policia italiane, në Arezzo.
Mediat italiane shkruajnë se shqiptari ishte pa dokumente, dhe ishte deportuar disa herë. Gjatë kontrollit në banesë, të riut shqiptar iu gjetën 1 kg kanabis e ndarë në pako dhe një peshore elektronike.
Po kështu, mes çarçafëve iu gjet një pistoletë gjysmë automatike me një karikator, të cilat janë sekuestruar.
