Shumë shqiptarë janë dyndur për të kërkuar një jetë më të mirë në vendet evropiane, kanë mbetur në mes të katër rrugëve. Ata atje janë paraqitur si azilantë. Por, kërkesat e tyre për azil nga shumica e shteteve janë refuzuar. Kështu, ata janë lënë në mes të katër rrugëve pa strehe pa ushqim dhe nuk dinë ku të kërkojnë zgjidhje për fatin e tyte. Një rast i tillë ku refugjatët kanë mbetur në udhëkryq është rasti i shqiptarëve të “Toulouse” të Francës, shkruan ladepeche.fr.
Ata “jetojnë” nëpër tenda, rrëzë ndërtesave të qytetit Roguet, në lagjen Saint-Cyprien, për gati dy muaj. E ndërsa temperaturat janë shumë të ulëta, shumë afganë, shqiptarë, maqedonas, të gjithë refugjatë kanë paraqitur kërkesë për azil, ndërsa janë të vendosur në rrugë.
Ndërkohë, ata flenë në çadra dhe për krevat kanë disa batanije. Ata shkojnë në restorantin social “Grand Ramier” për t’u ushqyer, dhe banorët e qytetit Roguet u lejojnë atyre të bëjnë një dush u japin një vakt të nxehtë. Kolektivi “Ndihmë për pritjen e azilkërkuesve në Toulouse” i mbështet ato materialisht dhe moralisht. Këta qytetarë, kanë hapur një faqe në “Facebook”, ku denoncojnë mosveprimin e shtetit.
“Kur do të strehohemi në mënyrë të qëndrueshme?” Pyet Pierre-Alain Sarda, zëdhënësi i tyre. “Më 25 shtator, dhjetra njerëz të pastrehë u hoqën nga Avenue Etienne-Billières për t’u vendosur në hotelet, kështu që derisa ata dëboheshin ishin në kushte të mira. Vullnetari vlerëson se më shumë se 600 të huaj jetojnë në (Purpan, Izards, Saint-Cyprien), në çadra (në Roguet ose përgjatë rrugës unazore në La Faourette) dhe strehohen në vende të tjera në të katër qoshet e Toulouse. Disa janë me fat që të mirëpriten nga individë.
“Por nuk është e mjaftueshme.” Këshilli i qarkut, i përfaqësur nga Christine Stébenet, tha se situata ishte “delikate”, Pascal Mailhos, prefekt i rajonit të Occitanie dhe Haute-Garonne, njoftoi të hënën, më 20 nëntor 2017 “një mobilizim të pashembullt të shërbimeve shtetërore”, me hapjen e 650 hapësirave të akomodimit emergjent kushtuar pritja e njerëzve të pastrehë gjatë periudhës së dimrit, deri në fund të dhjetorit 2017. Me kërkesën e prefekturës, bashkia e qytetit të Toulouse ofron 60 shtretër në palestrën Cépière. TIRANA TODAY
