Shumë biznesmenë janë solidarizuar për tragjedinë që përjetoi Shqipëria. Tërmeti i së martës la pasoja të rënda, duke shkaktuar 51 të vdekur e dhjetra të plagosur.
Por jo vetëm kaq, pjesa tjetër e qytetarëve të cilët nuk u lënduan, përjetuan trauma. Përmasat e shkatërrimit janë të mëdha, por falë ndërgjegjësimit masiv, shumë qytetarë dhanë kontributin e tyre në këto ditë të vështira.
Një biznes në Gostivar nuk ka qëndruar në heshtje, por përkundrazi, u është gjendur pranë familjeve shqiptare në cilët janë në nevojë. “Vita Abi”, ka gatuar ushqime në Durrës, për të gjitha familjet të cilat kanë mbetur në qiell të hapur.
Biznesi në fjalë, prej dy ditësh është zhvendosur në Durrës, duke u ofruar ushqim të ngrohtë falas.
