Pjesëmarrja e këngëtarëve që këndojnë live në dasma, sigurisht që ka një kosto. Thuhet se çmimet janë rritur, madje shpesh konsiderohen edhe të papërballueshme. Ikona e muzikës popullore, Irini Qirjako, ka folur në emisionin “Mes Yjesh” për çmimet e tregut.
Pjesë nga biseda:
”Për jetën e natës në Tiranë, thuhet që këngëtarët marrin nga 1 mijë, deri në 7 mijë euro. Po tregu juaj i dasmave, e arrin këtë shifër deri në 7 mijë euro? Apo e kalon?”
Irini Qirjako: ”Jo, nuk është kështu! Përpara kur hidhej shumë lekë, bëhej nami. Tani shqiptarët e kanë mbledhur dorën, gjithë leku që mblidhet e merr çifti, nusja me dhëndrin! I kanë rënë hiles tani!”.
