E mërkurë, 28 Korrik, 2021
22.5 C
Tirana

Shqiptarët grumbullojnë mbi 20 mijë dollarë për familjen e Musaen Zenelit

Shqiptarët janë sensibilizuar në masë, duke kontribuar për familjen e 19-vjeçarit Musaen Zeneli, i cili humbi jetën në ditën e parë të punës në masakrën e ndodhur në Velipojë. Të prekur nga ngjarja e rëndë, shqiptarët kanë grumbulluar mbi 20 mijë dollarë brenda pak orësh. Vdekja e të riut ka trishtuar pa masë opinionin publik në vend. Në llogarinë e hapur nga Organizata USA ALBANIAN SOCIETY, vetëm për pak orë janë mbledhur 20 mijë e 477 dollarë.

Musaen Zeneli u shua në masakrën e Velipojës, teksa ishte në ditën e parë të punës së tij. I riu punonte në zonën e plazhit, në biznese të ndryshme. Së fundi kishte folur me vëllezër Gocaj për ti gjetur punë. E shtuna ishte dita e parë e tij.

Punën e mbylli pak pas mesnate, pa e ditur se nuk do të kthehej më në shtëpi. Policia thotë se kishte marrë një plumb në zemër. Në xhep kishte disa qindarka, bakshishi i pushuesve që morën çadra e shezllonë.

Musaeni la pas nënën dhe vëllain. Debati për shezlongët mes dy vëllezërve Gocaj dhe Hasan Ferracakut ka nisur mesditën e së shtunës, por ata kishin vendosur për tu sqaruar në darkë pasi kishte shumë turistë.

Nga përplasja me armë mbetën të vdekur Kujtim Ferracaku 59 vjeç, pronar i hotel “Fantazia”, vëllezërit Xhovani dhe Edmond Gocaj 25 dhe 38 vjeç që kishin hotelin “Gocaj” dhe jetimi fatkeq Musaen Zeneli, që e kapi një plumb në zemër dhe i mori jetën në vend.

Nga përplasja me armë u plagosën edhe Hasan Ferracaku, vëllai i biznesmenit që u vra dhe nipi i tij Elmedin Tyli.

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...