Kreu i Partisë Demokratike, Lulzim Basha ka reaguar sërish për heqjen e simbolit të Shqiponjës tek rreth-rrotullimi në Tiranë.
I ftuar në emisionin “360 Gradë” në Ora News, deklaroi se Rama është kujdesur për ta fotografuar dhe filmuar momentin kur është hequr shqiponja, në të njëjtin kënd si rënia e shtatores së Enver Hoxhës.
Kryedemokrati theksoi se Rama kopjon kritikët e tij, dhe se si bordello dhe kazino nuk dukej simboli i shqiponjës, por tenda me drita që ka bërë në hyrje të kryeministrisë.
“Dimensioni psiqik i një njeriu të rënduar psikologjikisht i cili prodhon skandale të reja për të fshehur ato të vjetrat.
Sulmon simbolet që nuk i ka bërë vetë, vetëm sepse shqiponja përfaqësonte një moment që nuk lidhet me të dhe qeverinë e tij, prandaj e hoqi. E tradhton mania që kopjon kritikat që i bëhen atij, dhe e quan bordelo dhe kazino, sepse këto dy epitete ia kanë thënë për atë tendën që ka vënë para kryeministrisë.
U siguria ta fotografonte atë në pozicionin e rënies në të nijetin kënd e rënies së shtatores së Enver Hoxhës. Si mundet të fotografosh në rënie shqiponjën, për të poshtëruar shqiptarët? Se nuk është vetëm e opozitës, por është simbol i të gjithëve…”, tha Basha.
