Moti i keq ka sjellë një situatë të rënduar në të gjithë vendit. Janë përmbytur disa banesa, niveli i ujit në autostradën Tiranë-Durrës ka arritur në 1 metër. Duke marrë shkas nga situata e rënduar kryetari i PD-së, Lulzim Basha, doli nga rendi i ditës në seancën parlamentare shtroi shqetësimin për sigurinë e popullit pas përkeqësimit të motit. Ndërkohë rendi i ditës në parlament është projekt-buxheti i vitit 2018.
Situata aktualisht në të gjithë vendin është e rëndë dhe është detyre ë qeverisë po dhe e te gjithë ligjvënësve të jenë në terren për të mobilizuar ushtrinë, policinë dhe qytetarët që të ruajnë jetët e njerëzve por dhe pronat. Në situatë të tillë nuk ka vend për të bërë politikë që të marrësh ndonjë votues më tepër apo dhe për të bërë rolin e gjithësisë se ke gjithçka nën kontroll. Është e turpshme që politikanët tanë të jenë akoma në parlament kur ata me të gjitha resurset e tyre mund të ishin në terren për të dhënë ndihmë konkrete që përmbytjet të kenë sa më pak pasoja.
Basha në fjalën e tij tha se kishte informacione që në Shkodër mungonte totalisht shërbimi shëndetësor dhe bëri thirrje për ndërhyrje imediate për ndihmën e njerëzve në rrezik.
Basha: Informacioni që më vjen mua nga Shkodra, mungon totalisht shërbimi shëndetësor në veçanti për fëmijët, nënat e pleqtë. Kjo është jashtë rendit të ditës. Koordinohuni me pushtetin vendor për t’u organizuar në terren. Ka pamundësi kontakti me pushtetin qendror. Merrni masat për t’i ndihmuar njerëzit që janë në rrezik për jetën. Është detyra dhe ekzistenca numër 1 e shtetit.
Menjëherë pas tij, fjalën e mori kryeministri Edi Rama, i cili tha se këto përmbytje ishin të parashikuara dhe se ishin marrë të gjitha masat nga forcat emergjente, policia e ushtria për situatën.
Rama: Këto përmbytje janë të parashikuara, dhe duke qenë se kemi pasur disponim mbi parashikimet kemi marrë çdo masë të mundshme për ta përballuar këtë vështirësi. Nuk përballohet me teatër e shfaqje filmash në rrugë. Tani që flasim të gjitha forcat e organizuara e emergjencave, të policisë e ushtrisë janë të angazhuara. Edhe për sa i përket shërbimit shëndetësor, është në gatishmëri të plotë. Në vlerësim të lartë për ndërhyrjen tuaj z.Lulzim ne jemi në gatishmëri prej më shumë se një jave se kemi marrë parashikimet.
