Duket se rastet e përdhunimeve në vendin tonë nuk kanë fund. Sikundër rasti i parë i bërë publik më herët nga ana e ish-kryeministrit Berisha në rrjetin social, po sot ai denoncon një rast flagrant.
Pas ngjarjes së bujshme ku një polic ngacmonte seksualisht një 15-vjeçare, Berisha raporton për një tjetër situatë. Këtë rast e kanë denoncuar prindërit e një vajze 14-vjeçare, e cila prej më shumë se një viti ishte mashtruar nga disa persona.
Në kërcënim të vazhdueshëm, e mitura largohej për muaj me radhë nga banesa, ndërsa e drogonin dhe përdhunonin shumë persona. Familja shumë e shqetësuar, bën me dije se kanë bërë kallëzime në komisariatin nr 1, por asnjëherë policia nuk i kanë marrë seriozisht. Policia kishte zgjedhur që të heshte, e të mos vihej në veprim për ndalimin e përdhunuesve dhe trafikantëve.
