Aksioni ndaj hashashit në Lazarat ishte simbol i fillimit të luftës kundër drogës. Parcela të shumta janë mbyllur, grupe të trafikimit u shkatërruan, një -ish ministër nën hetim. Në pamje të parë, duket se droga nuk është më problemi kryesor për Shqipërinë. Por, sipas një shkrimi të “The Economist”, vendi ynë është i pari në botë, ku konsumohet më shumë drogë.
“Përdorimi i kokainës tregon që kjo drogë ka depërtuar te ajo shtresë e popullsisë e cila ka para. Ndërkohë sa i takon hashashit, mendoj se nuk do ketë nevojë edhe për disa vite të mbillet sepse rezervat dhe droga e magazinuar në vend do të jetë shumë e lartë.
Konsumimi i drogave ka gjetur një lloj përhapje dhe natyralizimi dhe në mjediset ku njerëzit rrinë në përditshmëri. Aq saqë ata i shohim kudo teksa tymosin një cigare me hashash. Mirëpo, në momentin kur bëhen të varur, ata përdorues janë të aftë të bëjnë gjithçka. Vetëm për të siguruar para për një dozë më tepër. Çdo i ri i cili kërkon ta përdorë, e ka shumë të lehtë ta konsumojë sepse është e pranishme kudo. Rrugët nëpërmjet të cilës ai shkon lehtësisht dhe e gjen drogën, pse nuk e bën dot policia këtë?! Pra, kjo na bën të besojmë se ka një lloj marrëveshje midis institucioneve dhe grupeve kriminale të drogës.”
Mërtiri thotë për Tirana Today se në Shqipëri ekzistojnë kartele shumë të rrezikshme, të cilat bashkëpunojnë me simotra të vendeve të tjera. Por, ato janë në bashkëpunim po ashtu edhe me qeverinë e vendit, ndaj veprojnë lirë aktivitetin e tyre kriminal.
“Këtu janë kartele të rëndësishme dhe shumë të rrezikshme. Mirëpo, nuk mund të ketë trafik pa një lloj korrupsioni të vendeve ku ajo përhapet. Këtu niveli i ortakërisë së qeveritarëve të lartë me këto kartele, është i pakrahasueshëm me asnjë vend tjetër, madje as në Kolumbi. Droga është frymëmarrja më e rëndësishme e ekonomisë shqiptare në këto kushte.” TIRANA TODAY
