Ish-ministri i Drejtësisë, Ylli Manjani ka bërë një koment të shkurtër, ku tregon se parlamenti më i mirë ishte ai i vitit 2001-2005.
Në atë kohë, shkruan Manjani, brenda Partisë Socialiste kishte demokraci të brendshme, të cilën, vijon ish-ministri, e fshiu nga faqja e dheut kryeministri Edi Rama.
“Ja ku është pasoja: Shqipëria është tashmë Republikë Qeveritare, jo më Parlamentare!
Ndërsa fjalimet më të mira që kam në memorie janë të Ben Blushit në fund të parlamentit të shkuar…
R.I.P Parlamentarizëm!”, përfundon Manjani.
Komenti i plotë:
Nga parlamenti i gati 30 viteve pa dyshim më i miri ishte ai i vitit 2001-2005.
Ai parlament kufizoi me veprime politike qeverinë dhe vendosi sundimin e Parlamentarizmit. Interpelancat e pyetjet ishin senca debati të mirfilltë;
komisionet hetimore ishin më produktivet (për herë të parë e të fundit);
emëroi tre kryeministra me kabinetet përkatëse;
nuk i votonte asnjë ministër pa u shterruar debati politik.
Kryetari i PS, Fatos Nano nuk emëronte dot as zëvendësministra, pa dakortësinë e deputetëve dhe të partisë.
E gjithë kjo arritje erdhi për meritë ekskluzive të demokracisë së brendshme të Partisë Socialiste. Kjo demokraci e PS solli një sjellje demokratike të institucioneve, por edhe dialog real politik me opozitën.
Këtë demokraci të PS, Edi Rama e shpalli Telenovelë dhe e fshiu nga faqja e dheut dhe nga historia e PS.
Largoi çdo debat nga partia dhe i vetmi dialog me PD ishte ndryshimi i sistemit zgjedhor që garanton mbytjen e çdo reagimi demokratik…
Ja ku është pasoja: Shqipëria është tashmë Republikë Qeveritare, jo më Parlamentare!
Ndërsa fjalimet më të mira që kam në memorie janë të Ben Blushit në fund të parlamentit të shkuar…
R.I.P Parlamentarizëm!
