Shqipëria nis aventurën në Ligën e Kombeve nga transferta Bjelloruse, rivali i parë dhe një ndeshje delikate në çdo aspekt. Në këto momente, Edi Reja dhe kapiteni Hysaj ndodhen në konferencën zyrtare për shtyp. Tekniku italian dhe mbrojtësi shkodran, do t’u përgjigjen pyetjeve të gazetarëve në lidhje me këtë përballje.
Kush luan neser? “Nuk do të bëjmë eksperimente ndeshjen e nesërme. Do të luajnë lojtarët e zakonshëm që ju i njihni. Kemi humbur miqësoret që i kemi programuar në mars dhe qershor. Do të ketë kohë për lojtarët e rinj që t’i provojmë. Formacioni do të jetë ai që ka qenë në ndeshjet e fundit.
Më shqetëson gjendja fizike e lojtarëve. Jam i kënaqur për mënyrën si e kam gjetur grupin. Ka një harmoni të mirë. Shqipëria ka punuar mirë. Kemi disa të rinj që kanë cilësi që mund të vlejnë për të ardhmen. Stërvitja është diçka tjetër, ndeshja është diçka tjetër. Ngelet për t’u parë si do të reagojë skuadra. Jam i kënaqur me atmosferën dhe përkushtimin në stërvitje”, tha Reja.
