Pas pritjes që bëri Rama me ekipin kombëtar të futbollit, edhe presidenti Meta tashmë është gati për të shijuar ndeshjen që do të luhet mbrëmjen e sotme në stadiumin “Elbasan Arena”, mes Shqipërisë dhe Islandës.
Kreu i Shtetit është siguruar të bëjë një foto, teksa ndodhet në ambientet e kafes së lagjes, ndërsa thotë se është më gati se kurrë.
“Nga kafja e lagjes: Gati për “Elbasan Arena”!”, shkruan ai bashkëngjitur fotos në fjalë.
Për mbarëvajtjen e kësaj ndeshje do të angazhohen 215 forca të Policisë së Rendit, Qarkullimit, Shqiponjat, FNSH-ja dhe Policia Kriminale.
Do ketë bllokim të aksit në drejtim të stadiumit duke filluar nga ora 18:00, deri në përfundim të aktivitetit sportiv, si dhe do mbyllen lokalet rreth stadiumit.
Të gjithë tifozët do të kontrollohen në hyrje të stadiumit nga forcat e policisë, dhe nuk do të lejohet futja e sendeve të forta, shisheve me tapë, çelësave, monedhave apo metaleve.
