U duk sikur ia hodhëm betejës me koronavirusin, por në fakt situata është kritike. Çdo ditë e më shumë, Shqipëria po kthehet në një vatër infektivimi. Arsyet që kemi përfunduar në këtë gjëndje, sipas mjekëve ka të bëjë me neglizhencën e qytetarëve dhe në mos mbajtjen e distancimit social.
Mjekja Gjeorgjina Kuli, anëtare e Komitetit Teknik të Ekspertëve, ka zbuluar në një intervistë në studion e “ABC News” se 88 fëmijë janë prekur nga COVID-19 në vendin tonë që prej fillimit të pandemisë. 70 % e tyre janë asimptomatik ose me simptoma shumë të dobëta të COVID-19. Aktualisht janë 23 aktiv.
“Në momentin që flasim, kemi 88 fëmijë të infektuar. Të gjithë fëmijët janë infektuar nga kontaktet e familjarëve. Pjesa më e madhe e tyre janë asimptomatikë, ose me simptoma të lehta. Asnjë prej tyre nuk është i hospitalizuar”, tha mjekja.
