Ministri i Brendshëm, Sandër Lleshaj, ka reaguar në lidhje me atentatin që ndodhi mbrëmjen e sotme në Tiranë, ku një makine iu vu tritol.
I ftuar në emisionin “Open”, Lleshaj tha se grupe të strukturuara kriminale janë të pranishme në vendngjarje. Më tej, ministri pohoi se policia dështoi në parandalimin e kësaj ngjarjeje.
“Sigurisht që këto grupe kanë mjetet e tyre, eksplozivet janë një nga këto. Grupet kanë ekzistuar, janë rralluar sepse janë ndëshkuar, por nuk përjashtoj ekzistencën e celulave të tilla. Kemi 330 raste armësh të kapura, çështja është që të vendosim gjithë mekanizmat që të minimizojmë veprimtarinë e tyre. Duhet ta pranojmë se policia e shtetit ka dështuar në parandalimin e kësaj ngjarje. Këto janë ngjarje që kanë një parahistori. Është iluzion të pretendojmë se do të parandalojmë të tilla gjëra se do ishim i vetmi vend në botë që do e bënte këtë”, tha ai.
