Mjeku infeksionist Pëllumb Pipero ka deklaruar se shifrat që raportohen sot me koronavirusin ishin të pritshme, e ndërsa virusi vazhdon të qarkullojë.
I ftuar në emisionin ”Tempora” në ”RTV Ora”, ai tha se për autoritet shëndetësore kjo situatë ishte e pritshme, siç ndodh me të gjitha vendet pas rihapjes. Pipero paralajmëroi se virusi ende qarkullon, ndaj priten raste të reja.
“Situata ishte e pritshme, sepse e para nuk ka ndodhur vetëm te ne, por pothuajse te të gjitha vendet pas rihapjes. Në këtë aspekt, situata ishte e pritshme jo vetëm me rastet pozitive.
Duhet të jemi koshient, raste ka dhe do të ketë sepse virusi vazhdon të qarkullojë. Rastet e shtruara në spital, natyrisht nuk janë me ritmet e fazës së parë. Nëse në fazën e parë të epidemisë, pothuajse 50 e rasteve pozitive shtroheshin në spital, tashmë mund ta bëni vetë llogarinë, sa shtrohen në spital, janë shtruar 7, 8 ose 10 raste. Situata ishte e pritshme, do kishte shtim të rasteve”.
