Një shpërthim i fuqishëm raportohet të ketë ndodhur gjatë natës në zonën afër ish-Bllokut në Tiranë.
Mësohet se një lokali në katin e parë të një pallati tek Rruga ”Dëshmorët e 4 shkurtit”, i është hedhur afër lëndë plasëse e cila ka shpërthyer rreth orës 03:30.
Fatmirësisht nuk ka pasur të lënduar por vetëm dëme materiale. Ndërkohë që policia po heton për zbardhjen e plotë të ngjarjes.
Njoftimi i policisë
Më datë 11.06.2020, rreth orës 03.30 të mëngjesit, në lokalin në pronësi të shtetasit A.K., në rrugën “Dëshmorët e 4 shkurtit” ka shpërthyer një sasi e dyshuar si lëndë plasëse.
Si pasojë e shpërthimit nuk ka asnjë të shtetas të lënduar, por vetëm dëme materiale.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, identifikimin dhe kapjen e autorit.
