Gazetari dhe analisti, Milaim Zeka ka shpërthyer ndaj klasës politike shqiptare. Në një intervistë për ”Report Tv”, Zeka u shpreh se përgjatë 30 viteve, të gjithë ministrat janë bërë milionerë, ndërkohë që populli shqiptar ka mbetur në varfëri.
Madje, ai ka deklaruar se Presidenti Ilir Meta ka një vilë në Gjirin e Lalzit, me vlerë deri në 10 milion euro, teksa shtoi se SHBA do të godasë politikanët shqiptarë.
Ai përmendi edhe ish-ministrin e Shëndetësisë Ilir Beqajn, si një ndër politikanët e korruptuar që mund të vihet nën akuzë nga SPAK.
Ndër të tjera, Zeka e ka cilësuar absurde reagimin e ish-kryeministrit Sali Berishëa i cili tha se sekretari amerikan i shtetit Antony Blinken, i ka cënuar dinjitetin pas shpalljes ”non grata” nga DASH.
Milaim Zeka: ”Sali Berisha tha se Blinken ka prekur dinjitetin e tij, por shumë deputetë dhe ish-kryeprokurorja e shtetit janë fyer pikërisht nga ai, i ka thënë kryeministrit se djali juaj është i babait tuaj, se kuptoj sesi flet ai për fyerje të dinjitetit. Unë e admiroj për rrugën e Kombit, por ka pasur akuza se është bërë vjedhje e 200 milionë dollarëve në atë rrugë. Të gjithë ministrat janë bërë milionerë. Si e bëri Meta vilën në Gjirin e Lalzit që kushton nga tetë deri në 10 milionë euro. Nga u pasuruan ministrat e Ramës dhe Berishës? Ndaj nuk e kuptoj fare vendimin e Blinken tani. Me dash SHBA vijnë tani në mes të Tiranës dhe me duar të lidhura i dërgojnë në burgun e Guantanamos.
SHBA ka qenë faktori numër një përcaktues i fatit të kombit Shqiptar. Pa SHBA nuk do ekzistonim si komb, s’do kishte as Shqipëri as Kosovë. SPAK është krijuar me paratë dhe iniciativën e SHBA. Lista është e gjatë si te PD dhe LSI. Do vazhdojë me akuza dhe të ministrave të Ramës. Kemi atë Ilir Beqajn e shëndetësisë është multi milioner. Këta ministra s’kanë pasur brekë në bythë dhe janë bërë multi milionerë ndërkohë që qytetarët e Shqipërsisë s’kanë bukë të hanë. Ministri i turizmit fliste për turizmin ndërkohë plazhet e Shqipërisë nuk kanë wc publike. Ne e dimë se e shëtisim shpesh bregdetin shqiptar.”
