Një gomone me 34 emigrantë ka shpërthyer në flakë në mes të Detit Mesdhe. Videoja dramatike është filmuar dhe postuar online nga forcat ajrore portugeze.
Të gjithë emigrantët në bordin e gomones që mori flakë pranë brigjeve spanjolle përfunduan në det, por fatmirësisht nuk pati viktima.
Autoritetet portugeze pikasën gomonen gjatë një misioni monitorimi për FRONTEX, Agjencinë Evropiane të Kufijve dhe sigurisë bregdetare.
Disa anije u erdhën në ndihmë emigrantëve që u hodhën në det në përpjekje për të shpëtuar jetën.
Sipas “CNN” ende nuk dihet shkaku që coi në shpëthimin e gomomones.
Sipas një raporti të fundit të Organizatës Ndërkombëtare për Migrim (IOM), 53.912 është numri i refugjatëve që janë futur në Evropë, në rrugë detare, që nga fillimi i këtij viti, dhe 1.316 kanë gjetur vdekjen në Mesdhe gjatë përpjekjeve për t’u larguar nga territoret në konflikt në Lindjen e Mesme.
