Një incident ka ndodhur në orët e para të ditës, ku janë përfshirë disa personazhe të njohur të fushës së artit. Fugoni me të cilën udhëtonin aktori Ermal Mamaqi, sopranoja Inva Mula dhe bashkëshorti i saj profesori Hetem Ramadani, shkrimtarja Mirela Sula etj, ka shpërthyer në flakë rrugës për në Tropojë, aty për ku dhe ishin nisur artistët.
Ngjarja në fjalë është përcjellë nga shkrimtarja Mirela Sula, përmes rrjeteve sociale nga ku ka postuar edhe videon e fugonit që përfshihet nga flakët.
Sikundër duken qartë edhe nga videoja në fjalë, asnjë prej personave nuk është lënduar.
