Deputeti Myslim Murrizi ka shpërthyer pas fjalës së mbajtur nga kreu i Kuvendit, Gramoz Ruçi, në lidhje me ndryshimet ne Kodin Penal. Tejet i revoltuar, ai u shpreh se kjo është në shkelje të Kushtetutës. Murrizi tha se ndryshimet në Kodin Penal, janë arna në interes të mazhorancës.
“Rregullorja e rendit të ditës me rregull duhet të shpallet 48 orë para seancës, dhe në fakt është bërë dje në orën 1 të drekës. Gjithashtu të gjitha projektetligjet nuk mund të sillen pa u konsultuar për dy javë.
Ata kanë ardhur pa asnjë lloj afati të mbështetur në rregullore. Kushtetuta e ka të përjashtuar kategorikisht që këto nene të ndryshohen për Kodin Penal, edhe në gjendjen e jashtëzakonshme me procedurë të përshpejtuar.
Ky Kod Penal arnohet vetëm që të vijë në anën e tij. Limiti kohor për disa çështje, por jo për të gjitha çështjet. Nëse për një çështje do të vendoset afat kohor, do të isha dakord, por për 23 pika të vendoset afat kohor është e papranueshme. Koha duhet të ndahet për pozitën dhe opozitën. Nëse vazhdohet kështu, atëherë Parlamenti do të kthehet në kohën e Haxhi Lleshit, ku vihet vetëm për të duartrokitur”, tha Murrizi.
