Shpërthimi i Salah tek Liverpool ka bërë që historia e tij që e lidh me Chelsean të komentohet gjatë. Këtu është bërë pjesë edhe trajneri aktual i Manchester United, Jose Mourinho, pasi9 nga tifozët akuzohet si njeriu që e largoi nga “Stamford Bridge”.
Salah u largua nga ”Stamford Bridge” në vitin 2016 dhe u transferua në Romë, e cila verën e kaluar ia shiti Liverpool-it. Egjiptiani superior që nga ardhja në “Anfield” ka magjepsur opinionin e gjerë të futbollit duke shënuar 43 gola këtë sezon.
“Njerëzit thonë se unë e kam shitur Salahun, kurse gjërat qëndrojnë ndryshe. Isha unë ai që e bleva Salahun. Unë i propozova Chelsea-t për ta blerë. Por, ai erdhi si një i ri i përgatitur fizikisht, por jo psikologjikisht. Në aspektin shoqëror dhe kulturor ishte plotësisht i humbur dhe gjithçka ishte e vështirë për të”, ka thënë Mourinho.
Chelsea vendosi ta shesë. Pra, vendimi për ta dërguar si huazim ishte i përbashkët, por pas kësaj, vendimi për ta shitur dhe për të përdorur ato para për të blerë një lojtar tjetër nuk ishte i imi”, tha trajneri portugez. Salah mbërriti te Chelsea në vitin 2014, por u huazua te Fiorentina dhe më pas te Roma, që më vonë e bleu kontratën e tij për 17 milionë euro.
