Një bombol gazi ka shpërthyer në Koplik. Mëngjesin e sotëm, zjarri ka përfshirë të gjithë katin e parë të banesës. E vetmja që ka mbetur e plagosur është e zonja e shtëpisë, Sadete Kukaj e cila ka marrë plagë të rënda në trup. Kati i parë i një banesës dy katëshe në Koplik, është djegur plotësisht.
Në vendngjarje kanë mbërritur efektivët e repartit zjarrfikës, të cilët kanë shuar menjëherë flakët.
Shpërthimi i bombolave është kthyer në një shqetësim kohët e fundit. Pak ditë më parë, në Velipojë mbetën të plagosur rëndë 4 pjesëtarët e familjes. Aktualisht ata ndodhen në Itali, ku po marrin mjekim më të specializuar pasi kanë marrë plagë shumë të rënda.
