Gjykata e Posaçme e Apelit ka lënë në fuqi dënimin me 1 vit e 4 muaj burg për ish-kryebashkiakun e Hasit, Adem Lala, pasi u fajësua për akuzën e “shpërdorimit të detyrës”. Dënimi i tij me burg është konvertuar me 1 vit e 4 muaj shërbim prove, si dhe 5 vite te mos ushtroj funksione publike.
Adem Lala u vu në hetim nga SPAK, pasi sipas prokurorëve, ai u përfshi në aferën e privatizimit në mënyrë të padrejtë të një aseti publik në Bashkinë Has, kohë në të cilën ishte kryetar.
Hetimi ka filluar fillimisht nga Prokuroria e Kukësit, dhe më pas është transferuar në SPAK, ku u komunikua dhe vendimi final.
Në lidhje me këto hetime, një vit më parë Lala deklaronte se “peshqit e mëdhenj” lundrojnë të lirë, ndërkohë SPAK merret me këtë çështje. Ai u shpreh se është i hapur për hetime.
“Nuk jam i shqetësuar në aspektin penal, sepse s’kam kryer asnjë shkelje. Në aspektin njerëzor, patjetër që më shqetëson. Do jem i hapur per hetime”, ka thënë ai.
