Aktori Ervin Doko është shpallur në kërkim nga ana e policisë së Tiranës, pasi ka plagosur një person me sende të forta, pas një konflikti për motive të dobëta. Doko, aktor i njohur për publikun shqiptar, ka goditur me sende të forta shtetasin E. Gk., 36 vjeç.
Burimet jo zyrtare bëjnë me dije se aktori i njohur i Teatrit të Durrësit, Ervin Doko, gjithashtu edhe pjesëmarrës në disa seriale të suksesshme, ka plagosur një shtetas për shkak të një konflikti për një vend parkimi në kryeqytet. Ngjarja ka ndodhur në lagjen “Migjeni” në Kombinat, dhe për pasojë aktori është shpallur në kërkim.
Njoftimi i policisë:
Specialistët për Hetimin e Krimeve në Komisariatin e Policisë Nr. 6 bënë shpalljen në kërkim dhe po punohet për kapjen e shtetasit E. D., 39 vjeç, për veprën penale “Plagosja e rëndë me dashje”, pasi gjatë një konflikti për motive të dobëta, ka goditur me sende të forta shtetasin E. Gk., 36 vjeç. Punohet për kapjen e tij. Materialet i kaluan Prokurorisë, për veprime të mëtejshme procedurale.
