Ismail Kadare nuk ka mundur dot që të tërhiqte çmimin Nobel në Letërsi për vitin 2020. Akademia Suedeze e Nobelit ka ndarë çmimin Nobel në Letërsi, ku i është dhënë shkrimtares amerikane Louise Glück.
Kjo e fundit është shkrimtarja e parë amerikane që fiton çmimin Nobel për letërsi në 27 vjet. Shkrimtari shqiptar Ismail Kadare, sërish nuk ka mundur të triumfojë, pavarësisht se ai u nominua për të disatin vit nga shteti shqiptar.
Glück ka tërhequr çmimin Nobel me motivacionin ”për zërin e saj të pagabueshëm poetik që me një bukuri të rreptë e bën ekzistencën individuale universale“.
Louise Glück ka lindur në New York në vitin 1943, dhe është rritur në Long Island dhe është autore e dhjetëra librave.
Këtë vit çmimi vlen 10 milion korona suedeze (957,671.53 euro).
