Ministri në detyrë i Punëve të Jashtme, Genc Cakaj është futur në vetëkarantinim pas kthimit të tij nga Italia, ku shoqëroi mjekët dhe infermierët shqiptarë.
Burime zyrtare pranë Ministrisë së Jashtme konfirmuan se Genc Cakaj po i nënshtrohet vëtëkarantinimit, pasi ky është një detyrim ligjor për të gjithë ata që kthehen nga jashtë kufirit.
Ai do të vetëkarantinohet në banesën e tij për 14 ditët e ardhshme. Cakaj ka takuar nga afër personalitet italiane, ndërkohë që ai gjatë gjithë kohës nuk ka qenë i pajisur me maskë apo me doreza.
Gjithashtu ministri Cakaj u mor edhe me koordinimin e riatdhesimit të shqiptarëve të mbetur jashtë kufijve.
Vetëm sot janë kthyer 66 shtetas shqiptarë që kishin mbetur në Gjermani nga situata e koronavirusit.
