Në emisionin “Opinion” është trajtuar tema “Dashuria për kafshët”, ku të ftuar në panel kanë qenë një sërë personazhesh të njohur që kanë demonstruar dashurinë ndaj kafshëve.
I ftuar ka qenë edhe koreografi i njohur Albi Nako, i cili ka rrëfyer se për 10 vjet ka jetuar me një Piton, me të cilin edhe ka fjetur.
“E kam mbajtur edhe në krevat unë. Nuk është se e kisha bashkëshorte, jo. Por vija unë në darkë në shtëpi, doja t’i kushtoja kohë dhe e merrja, dhe një herë kam qenë përmbys duke parë televizor dhe më ka zënë gjumi fiks siç është ajo shprehja; me gjarprin në gji. Kështu kulaç komplet. Ishte nën mua. Nuk reagonte fare”, ka treguar Albi, teksa rrëfeu se kur e ëma e pa, mendoi se Albi ishte çmendur.
