Drejtuesit e mjeteve po paralajmërohen se mund të ndëshkohen me një gjobë prej 5 mijë paund, nëse veshin rroba dimërore ose ato të Krishtlindjeve. Duke iu referuar mediave të huaja, këto veshje shpërqendrojnë shoferët e tjerë dhe mund të konsiderohen si ‘ngarje e pakujdesshme’.
Ekspertët e automobilizmit në National Tires and Autocare u kanë kërkuar atyre që janë në rrugë këtë sezon festiv të jenë të vetëdijshëm për atë që kanë veshur, në rast se kjo i vë në telashe me ligjin.
Rregulli 97 i Kodit të Autostradave thotë se shoferët “duhet të sigurojnë që veshja dhe këpucët të mos ju pengojnë të përdorni kontrollet në asnjë mënyrë” – dhe nëse nuk e bëni këtë, mund të klasifikohet si ngarje pa kujdesin dhe vëmendjen e duhur.
Dhe shoferët paralajmërohen gjithashtu se zgjedhjet e veshjeve ose kostumet që shpërqendrojnë shoferët e tjerë – për shembull, një veshje babadimri ose veshje me xixëllim – mund të klasifikohen gjithashtu si ‘ngarje e pakujdesshme’ sipas Kodit të Autostradës.
Nëse veshja juaj konsiderohet si e pakujdesshme ose e pavëmendshme, mund të çojë në një gjobë të pakufizuar dhe/ose një skualifikim diskrecional dhe 3-9 pikë në licencën tuaj, raporton Manchester Evening News.
Michael Bourne, Drejtor i Marketingut të Grupit në National Tires and Autocare thotë: “Drejtimi me veshje që ndikojnë në aftësinë tuaj të drejtimit, mund të shkaktojë një aksident”.
Burimi i lajmit: walesonline. Përshtatur nga Tirana Today