Një adoleshent algjerian është kthyer në hero pasi arriti të shmangë një tragjedi. 17-vjeçari Feud Zabaat punon si emigrant në Stamboll, por dita e enjte nuk ishte si të tjerat. Ai arriti të shpëtojë një vogëlushe e cila aksidentalisht ra nga ballkoni i shtëpisë prej katit të dytë. Por, me një intuitë të jashtëzakonshme, Zabaat u afrua dhe e kapi në ajër 2-vjeçaren.
2-vjeçarja Doha Muhammed ishte duke luajtur, teksa mamaja e saj ndodhej në kuzhinë. Në këtë moment ajo u afrua pragut të ballkonit. Zabaat kuptoi që vogëlushja nuk po ruante dot ekuilibrin dhe menjëherë u afrua për ta kapur.
Fatmirësisht, vogëlushja nuk pati asnjë lëndim nga incidenti, përveç të dridhurave nga frika. Pak pas incidentit arriti dhe babai i 2-vjeçares, i cili i ofroi Zabaat 35 dollarë. Kjo pasi i shpëtoi jetën vajzës së tij.
E gjithë skena është filmuar nga kamerat e sigurisë dhe prej atëherë është bërë virale në rrjete sociale. Ku të gjithë e komplimentojnë adoleshentin për veprimin e tij të menjëhershëm dhe heroik.
