Analisti Armand Shkullaku shprehet se kryeministri Rama do të bëjë ç’të jetë e mundur që Arta Marku të zgjidhet sërish në krye të Prokurorisë.
I ftuar në emisionin “Zonë e Lirë”, Shkullaku jep edhe arsyet se pse sipas tij Rama kërkon ta bëjë këtë gjë.
Shkullaku thekson se Rama kërkon të japë një lloj mesazhi që njerëzit që i përdor nuk do t’i hedhë në rrugë.
“Rama deri në fund do bëjë ç’të jetë e mundur të zgjedhi Arta Markun. Çdo pushtet që degradon, nuk shkon asnjëherë drejt tolerancës. Nëse ky do kishte sensin e masës, shenjat e tolerancës do i kishte dhënë më parë. Nuk do të lërë më asnjë mundësi kundërshtarit apo institucioneve të pavarura, që t’i ketë rrezik për veten e vet. Pse do e zgjedhi Markun? Do shërbej si një lloj mesazhi, që njerëzit që ky i përdor, nuk do i hedh në rrugë”, tha analisti.
Kujtojmë se në krye të listës së KLP-së, kandidat për Prokuror të Përgjithshëm është renditur Olsian Çela me 45 pikë. Ai ka lënë pas dy kandidatet e tjera, Arta Marku me 406 pikë dhe Fatjona Memçaj me 362 pikë.
