Një makinë ka shpërthyer në flakë ndërsa ka qenë në lëvizje. Ngjarja ka ndodhur në Durrës te hyrja e portit dhe fatmirësisht nuk ka pasur persona të lënduar.
Si pasojë e flakëve makina është shkrumbuar plotësisht. Policia ka mbërritur në vendngjarje dhe po punon për zbardhjen e rrethanave të djegies së makinës.
“Më datë 13.05.2019, rreth orës 08:15, në lagjen Nr.4 Durrës , ka marrë flakë në ecje dhe është djegur automjeti që drejtohej nga shtetasja E.T., 27 vjeçe, banuese në lagjen Nr. 13 Durrës.
Si pasojë ka vetëm dëme materiale. Grupi Hetimor ndodhet në vendngjarje dhe po punon për sqarimin e plotë të ngjarjes”-njofton policia.
