Një mjet në pronësi të një 40-vjeçari është shkrumbuar tërësisht. Ky rast është shënuar në Elbasan, në orët e para të ditës. Burime zyrtare bëjnë me dije se ngjarja ndodhi në orën 4:20, në lagjen “Qemal Stafa”, ku mjeti tip “BMW”, me targë AA 099OJ, në pronësi të shtetasit L.Ç , 40-vjeç, ka marrë flakë dhe është shkrumbuar.
Burime paraprake konfirmojnë se mjeti në fjalë ka qënë i parkuar në anë të rrugës, dhe si pasojë e flakëve është djegur pjesërisht në pjesën e motorit.
Për hedhjen dritë të këtij rasti, sapo janë njoftuar grupi hetimor ka shkuar në vendngjarje, ku nga veprimet e para hetimore dyshohet se zjarri është i qëllimshëm. Policia po vijon hetimet, për zbardhjen dhe dokumentimin e plotë të ngjarjes.
