Një automjet tip Benz është gjetur i shkrumbuar mëngjesin e sotëm. Ngjarja ka ndodhur në Vlorë, ndërsa mjeti u gjet pjesërisht i djegur në vendin e quajtur Xhamia, ndërsa mësohet se pronari i saj është shtetasi Eduard Alikaj.
Nuk dihen ende shkaqet e djegies së mjetit, ndërsa ky i fundit nuk është i panjohur për policinë, pasi ka qenë i arrestuar pas një sherri me thika për çështje parkingu, ku se bashku me një tjetër lanë tre persona të plagosur.
Informacion paraprak
Më datë 12.02.2018, rreth ora 01:00, në lagjen ”Hajro Çakërri”, në vendin e quajtur Xhamia, është djegur pjesërisht, automjeti tip ”Benz” , në pronësi të shtetasit E.A.
Mjeti ka qenë i parkuar. Grupi hetimor po punon për përcaktimin e plotë të shkaqeve të djegies së mjetit.
Çfarë ndodhi në parking dhe arrestimi i Alikajt
Më datë 15.12.2016, në lagjen “29 Nëntori” pas një konflikti midis palëve për shkak të parkimit të automjetit, situata është agravuar deri në përdorimin e mjetit prerës “thikë”, ku kanë mbetur të plagosur tre shtetasit F.V, Ç.V dhe F.V, jashtë rrezikut për jetën.
Gjithashtu, nga ky konflikt ka mbetur i dëmtuar fizikisht edhe një nga personat e arrestuar, shtetasi Eduard Alikaj, i cili u shërua ne spital, raporton Panorama.
Burimet thane se shkak i sherrit dhe konfliktit fizik është bere bllokimi i makinës së Alikajt në parkingun me pagesë në qytetin e Vlorës. Ndaj mes 44 vjeçarit Alikaj dhe mikut të tij Hënes Dalipaj nisi sherri me punonjësit e kompanisë “TIS Park shpk”.
Alikaj kishte parkuar mjetin e tip ML me targa AA 777 KP dhe kishte refuzuar të bënte pagesën prej 50 lekësh në orë.
