Bota

Shkrimtarja me origjinë shqiptare kandidon për kryeministre të Libanit


               Publikuar në : 15:33 - 07/12/19 M D

Shkrimtarja me origjinë shqiptare Ghada Arnaut (Xhada Arnauti) është një nga kandidatet për kryeministre të Libanit.

Ajo ka një biografi të pasur duke qenë emër i njohur në Liban dhe më gjerë në Lindjen e Mesme.

Arnauti është shkrimtare, drejtuese e mediave liberale dhe shkencëtare në Universitetin e Albertas në Kanada.

Ajo konsiderohet si një zë i rëndësishëm kritik në mbrojtje të të drejtave të njeriut, për demokracinë dhe kundër qeverive të trashëguara diktatoriale.

Në një prononcim për “INA” ajo ka konfirmuar se është propozuar për postin e kryeministres pas tërheqjes së Sadi Haririt, i cili ka qenë në shënjestër të kritikave dhe sulmeve nga protestat që nuk po ndalen rrugëve të Libanit.

“Po është e vërtetë. Ditëve të ardhshme do iu konfirmoj të ardhmen time se a do të jem kryeministre e Libanit”, theksoi për “INA”, Xhada Arnauti.

Ajo pranoi se ka origjinë të pastër shqiptare.

Kthehu
WhatsApp Denonco ne TT