Pas shkrirjes së ALUIZNI-t dhe ZVRPP-së në institucionin e ri që do të merret me regjistrimin e pronave është emëruar drejtori i Agjencisë Shtetërore të Kadastrës, në Drejtorinë Rajonale të Durrësit, ndërsa po bëhen edhe prezantimet në qarqe të drejtuesve të rinj.
Ndërkohë sot janë prezantuar dy drejtorët në Durrës dhe në Fier.
Në Durrës drejtori i ri i Agjencisë Shtetërore të Kadastrës do të jetë Liridon Pulaj. Ndërsa në Fier do të jetë Ervin Bushi. Më parë ai ka qenë drejtor i ALUIZNI-t po në Fier.
Kujtojmë se ZRPP në Durrës ashtu edhe ALUIZNI, u përfshinë në skandale të njëpasnjëshme për shkak të akuzave të ngritura për korrupsion nga prokuroria për zyrtarë të këtyre institucioneve.
