Në Greqi, numri i viktimave nga koronavirusi ka shkuar në 35.
Raportohet se në shtetin fqinj rezultojnë të infektuar 1061 persona ku 66 prej tyre janë në gjendje kritike për jetën.
Gjatë mbrëmjes së kaluar 3 persona kanë humbur jetën nga COVID-19.
Njëri prej viktimave është shënuar në Athinë, një në Selanik dhe një në Aleksandrupoli.
Sipas autoriteteve përkatëse, të tre viktimat kanë qenë të moshuar dhe vuanin nga probleme të tjera shëndetësore.
Si paraqitet situata në Shqipëri?
Ditën e sotme në Shqipëri janë konfirmuar 15 raste të reja me koronavirus.
Ministria e Shëndetësisë njoftoi se ka shkuar në 212 numri i personave të prekur nga COVID-19, ndërsa 10 persona kanë ndërruar jetë.
“Në 24 orët e fundit janë testuar 111 persona të dyshuar, prej të cilëve janë konfirmuar 15 raste të reja me COVID-19. Deri në këto momente janë testuar 1436 raste të dyshuara dhe prej tyre janë të konfirmuar pozitivë me COVID-19, 212 raste. Nga COVID-19 kanë humbur jetën deri tani 10 qytetarë”, u shpreh pak më herët Zv/Ministrja e Shëndetësisë, Mira Rakacolli.
