30 persona kanë humbur jetën si pasojë e tërmetit në provincën lindore të Maluku-t në Indonezi ndërkohë që mijëra persona vazhdojnë të qëndrojnë në qendrat e strehimit. Tërmeti me magnitudë prej 6.5 shkallësh të Rihterit goditi pjesën lindore të Indonezisë të enjten, duke dëmtuar qindra shtëpi, ndërtesa publike dhe infrastrukturën, përfshi urën kryesore në qytetin Ambon. Besohet se shumica e njerëzve kanë vdekur nga shembja e rrënojave.
150 njerëz janë lënduar, ndërsa mbi 200 mijë të tjerë po vazhdojnë të qëndrojnë në qendrat e strehimit pas shkatërrimit të shtëpive dhe banesave të tyre. Njerëzit që jetojnë afër brigjeve të oqeanit janë vendosur në terrene më të larta për shkak të frikës nga një cunami i mundshëm.
Indonezia shtrihet brenda rrezes së të ashtuquajturës “Unazë e zjarrtë”, një zonë me aktivitet të lartë sizmik që goditet shpesh nga tërmetet vdekjeprurëse dhe cunamet. Në shtator të vitit të kaluar, më shumë se 4 mijë veta humbën jetën nga tërmeti i fuqishëm prej 7.5 shkallësh të Rihterit, që goditi ishullin Sulaëesi të Indonezisë.
