Policia e Shkodrës ka arrestuar në flagrancë shtetasin Klaudio Koçeku. Shtetasi K.Koçeku është vëllai i A. K i dyshuar si autor i dyshuar i vrasjes së shtetasit A. Sh. të ndodhur me datë 17.12.2017.
Arrestimi i shtetasit Klaudio Koçeku 25 vjeç, u bë pasi gjatë kontrollit të ushtruar në banesën e tij në fshatin Grude e Re, Shkodër, u gjetën dhe sekuestruan në cilësinë e provës materiale 11 thasë, dhe 2 bidonë, me peshë 141 kg lëndë narkotike Cannabis Sativa.
Gjithashtu gjatë kontrollit të banesës u gjeten: 4 automatik model 56, 1 çifte, 1 pushkë snajper me dy fishekë, 6 krehra me fishekë model 56, 1 shkop gome, 2 palë pranga policie, 1 silinciator, 1 thikë dhe 60 fishekë çifte 12 mm, 1 peshore, 10 (dhjetë) fishekë model 54, ku sipas informacioneve policore dyshohen të jenë përdorur për ngjarje kriminale të tjera të cilat do ti nënshtrohen ekzaminimit balistik.
