Një 70-vjeçar humbi jetën natën e sotme në Shkodër, pasi apartamenti ku ai jetonte u përfshi nga flakët.
Ismet Abdurrahmani ishte i vetëm në banesë, në momentin kur shtëpia u dogj. Bëhet me dije se ai ka pasur probleme me bashkëshorten, teksa ka tentuar disa herë t’i vendosë zjarrin banesës së tij.
Ai ishte dërguar disa herë në polici për shkak të këtyre problemeve. Arsyet e djegies së apartamentit janë ende të paqarta, ndërsa drejtori i Zjarrfikësve në Shkodër, Agron Dibra tha se flakët ishin të përmasave të mëdha.
“Zjarri në apartament ishte i përmasave të mëdha. Ishte e pamundur që të hyje menjëherë në banesë”, tha ai.
