Qytetarët të shumtë kanë protestuar para bashkisë së Shkodrës për pasigurinë e tyre në punë.
Të indinjuar nga rasti i fundit, kur humbi jetën një punonjës i komunales teksa ishte në krye të detyrës, si dhe plagosja e kolegut të tij, qytetarët janë mbledhur para institucionit të bashkisë, të cilët më pas janë përkrahur nga shoqëria civile dhe gazetarët.
Ata protestuan për vdekjen për vdekjen e Kleotos Çelikut, ndërsa kërkuan që ky institucion të marrë përgjegjësitë që i takon.
NJOFTIMI I POLICISË
Më datë 14.07.2017, në lagjen “Partizani” Shkodër, në vendin e quajtur pranë “Kolegjit Turk”, ndërsa po punonin në një kolektor të ujërave të zeza, ka humbur jetën shtetasi K. Ç, 34 vjeç, banues në Golem – Shkodër si dhe është plagosur shtetasi Gj.Gj, 56 vjeç, banues në Shkodër. Në përfundimin të veprimeve hetimore, u bë arrestimi në flagrancë i shtetasit Preke Toma, 48 vjeç, banues në Shkodër, me detyrë Përgjegjës i ujërave të zeza në Ndërmarrjen e Ujësjellës Kanalizime Shkodër, Gjithashtu u proceduan në gjendje të lirë shtetasit: – Y. R. 64 vjeç, banues në Shkodër, me detyrë inxhinier në Ndërmarrjen Ujësjellës kanalizime Shkodër – L.P. 52 vjeç, banues në Shkodër, me detyrë drejtues teknik në Ndërmarrjen Ujësjellës Kanalizime Shkodër. Procedimi penal ndaj këtyre shtetasve filloi pasi nuk kanë marrë masat e sigurimit teknik të përcaktuar nga legjislacioni në fuqi si dhe nuk i kanë pajisur me masa mbrojtëse. Materialet i kaluan Prokurorisë se rrethit Gjyqësor Shkodër për vepren penale “Shkelje e rregullave të mbrojtjes në punë” parashikuar nga neni 289/1 i Kodit Penal.
