Një efektiv në Shkodër është marrë në pyetje nga SHÇBA menjëherë pas denoncimit të Berishës, i cili publikoi mesazhin e një qytetari që tregonte për një tentativë përdhunimi në fakultetin Juridik të Shkodrës.
Mësohet se efektivi po jep deklaratën e tij, ndërsa ka mohuar të ketë abuzuar seksualisht me studenten. Në dëshminë e tij, efektivi i FNSH-së ka thënë se e pëlqente vajzën, studente e juridikut dhe ia ka shprehur këtë gjë.
Por, duket se vajza e ka refuzuar dhe më pas ai e ka kapur për krahu. Vajza është trembur për shkak të armës së shërbimit që mbante efektivi, i cili mësohet se është rreth 25-26 vjeç.
Denoncuesi që dërgoi mesazhin tek ish-kryeministri Berisha shkruante se një punonjës policie, efektiv i FNSH-së i veshur civil, ka ngacmuar vajzat e fakultetit juridik dhe njërën ka tentuar ta përdhunojë por është kapur në kohë nga studentët që e kanë mbyllur në banjë.
