Një shpërthim me tritol ka ndodhur në ambientet e një lokali të një ish-polici në Shkodër. Lënda eksplozive është vendosur në lokalin e ish-efektivit të policisë së Shkodrës, Ndrek Rrasa. Ngjarja ka ndodhur rreth orës 2 e 30 minuta ne fshatin Grudë e Re të Shkodrës. Autorët nuk janë ndalur me kaq, por kanë djegur edhe furgonin i cili ishte i parkuar pranë biznesit në pronësi të Rrasës.
Nuk dihet nëse kjo ngjarje lidhet me profesionin e Rrasës, apo ai ka pasur probleme në të shkuarën me autorët për çështje të tjera.
Fatmirësisht nga shpërthimi nuk ka patur të lënduar, por vetëm dëme materiale.
