Teksa çdo ditë po shtohet numri i viktimave dhe harta e përhapjes së virusit misterioz kinez, një prej ekspertëve të mirë në Kinë ka bërë një deklaratë që ka krijuar frikë dhe panik në popullatë.
Eksperti Wang Guangfa u infektua nga virusi disa ditë më parë, teksa bëri një vizitë në ambientet spitalore për të verifikuar simptomat e virusit. Pasi është konfirmuar që është prekur nga virusi, ai ka paralajmëruar doktorët dhe shkencëtarët që të marrin masat e duhura, pasi virusi përhapet nëpëmjet syve.
Eksperti i njohur kinez, Wang Guangfa tha se ai është prekur nga virusi për shkak se nuk mbante veshur syzet mbrojtëse gjatë vizitave të tij. Sipas Daily Mail, kjo gjë është konfirmuar dhe nga mjekë të tjerë.
Ata paralajmërojnë se virusi, që mendohet se përhapet përmes kollës dhe tështimave mund të lëvizë në trup duke shkuar në sy.
