Shkencëtarët: Si frika shndërrohet shpejt në ankth brenda trurit tonë

Qëndrueshmëria mendore e njerëzve në të gjithë botën duket se është nën një sulm të vazhdueshëm në vitin 2020. Ndërsa publiku ka frikë për sigurinë e tij për shkak të pandemisë së koronavirusit dhe trazirat socio-ekonomike që mund ta shoqërojnë atë, një studim i fundit zbulon se kjo frikë mund të shndërrohet në çrregullime të shëndetit mendor.

Një ekip studiuesish nga Universiteti i Meksikës, ka zbuluar tani se si truri e shndërron në ankth reagimin e tij ndaj frikës. “Deri tani, psikiatrit dhe psikologët kishin pak informacione në lidhje me atë që ndodh në trurin e njeriut pas një përvojë të frikshme, dhe pse disa njerëz nuk shërohen lehtë, përkundrazi vijojnë të jenë të shqetësuar, për pjesën tjetër të jetës së tyre”-thotë studiuesi kryesor Berer në një njoftim për miat.

Ekipi i studiuesve, donte të hidhte dritë mbi shndërrimin e frikës në ankth, dhe sesi kjo mund të shkaktojë tek disa njerëz çrregullime të stresit post-traumatik (PTSD). Studiuesit ekzaminuan reagimet e frikës tek minjtë dhe subjektet njerëzore gjatë studimit.

Ekipi i ekspozoi minjtë ndaj një arome që ata i frikëson, pra një aromë që minjtë e njohin mirë, pasi përdoret zakonisht për të mbrojtur barbekytë në natyrë nga insektet apo kafshët  ndryshme.

Më pas autorët e studimit, vëzhguan se si truri i tyre reagonte ndaj këtyre kërcënimeve; duke ekzaminuar se si minjtë e përpunojnë frikën, dhe e kthejnë atë në një çështje të shëndetit mendor. “Tani e dimë që aktiviteti i trurit në një momenti ankthi, nuk është i njëjtë me atë të një përgjigje akute ndaj frikës”- thotë Berer.

“Në rastin e ankthit, aktiviteti nervor rritet në shumë rajone specifike të trurit, teksa humb koordinimi normal midis rajoneve të trurit”- shton ai. Studiuesit shkaktuan ankth, duke manipuluar aktivitetin e trurit të subjekteve. Ata ndryshuan transportuesin e serotoninës (SERT), që është një nga shënjestrat kryesore të drogave psiko-aktive si kokaina.

Duke hequr trurin e gjenit SERT (SERT-KO), ankthi shtohej. Për sa i përket ankthit, studiuesit vëzhguan 45 nën-rajone brenda trurit. Në varësi të rajonit, aroma nga e cila brejtësit ndiheshin të kërcënuar, aktivizohej në kohë të ndryshme.

Ndërsa jemi në kulmin e pandemisë, nuk ka shumë optimizëm për t’u ofruar njerëzve që vuajnë nga ankthi dhe çrregullimet e stresit post-traumatik, PTSD. Recesioni ekonomik dhe protestat, nuk ndihmojnë në uljen e rrezikut, përkundrazi ato e intensifikojnë atë.

Jetojmë në një kohë, kur si thelbësore shihen vetëm mekanizmat e mbijetesës. Terapia njohëse, muzika, stërvitja dhe gatimi, janë vetëm një pjesë e mjeteve që mund të jenë të dobishme, për të shmangur rëndimin e gjendjes mendore.

Burimi i lajmit: https://www.studyfinds.org/fear-turns-into-anxiety

Përshtatur nga TIRANA TODAY