Shkencëtarët kanë arritur të identifikojnë një virus të panjohur deri më sot në një liqen të Brazilit. Virusi i ri i emërtuar Yaravirus, për ndër të një krijese mitologjike që jetonte në ujërat e liqenit, nuk ka asnjë ngjashmëri me viruset e njohura deri më sot.
Sipas mitologjisë Yara, ishte një sirenë e bukur e cila i mashtronte ushtarët për t’u futur në ujë dhe më pas i mbyste. Emri i zgjedhur për virusin jep një kontekst të saktë të habisë që kanë shfaqur shkencëtarët për këtë zbulim.
Sipas hulumtimeve, 90 për qind e gjeneve të virusit të sapozbuluar nuk janë parë kurrë më herët, duke e bërë atë tërësisht të veçantë. Aq pak ngjashmëri ka me viruset e tjera në Tokë, sa literalisht është konsideruar me virus alien. Nga analiza e ADN-së së virusit u zbulua se ai kishte 74 gjene, prej të cilave vetëm gjashtë prej tyre janë të njohura për shkencëtarët deri tani.
Në përpjekje për t’i dhënë identitet virusit të ri, disa prej shkencëtarëve kanë hedhur hipoteza të guximshme duke e kualifikuar një grupi të panjohur të viruseve amebale, shkruan “Daily Mail”.
