Humbja e thellë e Partisë Demokratike në zgjedhjet e 25 qershorit ka sjellë një përçarje brenda demokratëve, të cilët ndahen në “pro” dhe “kundër” Bashës.
Ky i fundit ka ngrirë çdo funksion, teksa garon sërish për mbajtjen e postit të kreut të PD-së.
Megjithatë, pas humbjes së thellë, të shumtë janë demokratët që i kanë dalë kundër Lulzim Bashës. Së fundmi, ishte kreu i FRPD-së, Belind Këlliçi ai që shpërtheu në një postim kundër Henri Çilit, të cilin e quan Neim, dhe atyre që i cilëson marioneta të tij.
Por, duket se me qëndrimin e Këlliçit bie dakord edhe djali i ish-kryeministrit, Shkëlzen Berisha i cili e ka shpërndarë postimin e kreut të FRPD-së.
Në postimin e tij, ndër të tjera, Këlliçi shkruante:
“Konflikti ynë në këtë moment i shërben vetëm Edi Ramës dhe atyre që sot mbrojnë qorrazi këtë situatë ku ndodhet PD dhe nuk duan asnjë zgjidhje e cila forcon PD, pasi si shërbëtorë të pushtetit të radhës dhe për interesat e tyre klienteliste, duan ta shohin PD të shpartalluar kokë e këmbë. Këta shërbëtorë të Edi Ramës, kryesohen nga ata të cilët tentojnë ta përçajnë dhe më shumë PD, Neim Çili dhe marionetat e tij.
Megjithatë është e pamundur të ruash këtë qetësi që i shërben unitetit, pas shpifjeve, trillimeve dhe baltosjes së një prej deputeteve të zgjedhur të PD, uzinjolos i cili pasi humbi në çdo kuti votimi në fshatin e tij të lindjes, guxoi dje të baltosë FRPD dhe punën e saj në 1 vit e gjysëm.
Të hedhësh poshtë kontributin dhe punën e mijëra të rinjve, do të thotë se ke mision vetëm shkatërrimin dhe përçarjen. Të quash amorale garën e vërtetë të zhvilluar për kreun e FRPD, e cila duhet të shërbejë dhe si model për vetë garën brenda PD, është një kompleks inferioriteti nga i cili mesa duket nuk ka shpëtim. Por këtë nuk e arrin dot askush sot, sado të financohet nga Neimi, apo të ndjekë strategji të mbështetura nga strukturat e Mjaftit, që fatkeqësisht sot kanë ngritur krye dhe në PD”.
RIPOSTIMI I BERISHËS:
