Shkelzen Berisha është përfshirë në debatin e madh lidhur me votimin e Ruçit në krye të Kuvendit, duke i dalë kundër të atit, ish-kryeministrit Sali Berisha dhe kryedemokratit Lulzim Basha.
Me anë të një postimi në Facebook, Berisha shkruan se opozita duhej të kishte bojkotuar dje seancën parlamentare, duke dalë publikisht kundër të atit dhe kreut të PD-së, të cilët zgjodhën të merrnin pjesë në seancë.
Deklarata vjen pas rrjedhjes së votave brenda PD-së në seancën e djeshme, ndërsa shumë demokratë kanë fajësuar Bashën si përgjegjës kryesor për zgjedhjen e Ruçit në krye të Kuvendit.
